Ignacio Gastaka Eguskiza
Irakasle atxikia (2022) –doktore-kontratatu gisa akreditatua (ANECA, 2023)–. Doktorea Euskal Herriko Unibertsitatean (2021), masterra Gizarte Komunikazioan (2017) eta graduatua Ikus-entzunezko Komunikazioan (2016) unibertsitate berean. 2021az geroztik irakaslea da Kazetaritza Sailean, UPV/EHUko Gizarte eta Komunikazio Zientzien Fakultatean. Egun, Informazio Generoak, Dokumentazio Iturrien Kudeaketa eta Informazioa Telebistan irakasten du. Eta Gizarte Komunikazioko Masterrean ere parte hartzen du.
Ikerkuntza arloan, bere lerroek bi ardatz desberdin eta, aldi berean, osagarri dituzte: alde batetik, azterketa filmiko eta ikus-entzunezkoak, eta, bestetik, komunikazioari aplikatutako teknologia. Eta, nolanahi ere, bi arlo horietan komuna den metodologia erabiliz egiten du: kutsu estrukturalistako testu-analisia, hemen semiotika bisual gisa ulertua. Horrela, eragin handieneko aldizkari zientifikoetan hainbat azterlan argitaratu ditu.